Sekretari i Përgjithshëm i Partisë Demokratike, Gazment Bardhi ka reaguar pas dekalratës së kryeministrit Edi Rama, i cili u shpreh më herët se opozita po përdor minorenët për akte dhune në protesta.
Përmes një postimi në “Facebook”, Bardhi shkruan se Rama përpiqet të fjaësojë PD për 7 vite dështim të qeverisë së tij.
Sipas Bardhit, zemërimi i të rinjëve ka ardhur si pasojë e keqqeverisjes dhe arrogancës së saj ndaj qytetarëve.
“Gjuha e urrejtjes dhe përpjekjet e dëshpëruara të Edi Ramës për të fajësuar PD për 7 vitet e dështimit, premtimeve boshe dhe arrogancës së tij, tregojnë sa larg realitetit ku jetojnë shqiptarët, është ky njeri dhe shpura e tij. Keqqeverisja, dhuna dhe arroganca 7 vjeçare e Edi Ramës janë shkaktarët e vetëm të revoltës dhe zemërimit të të rinjve.”-shkruan Bardhi./ Opinion.al
