Shtetasi bullgar i cili akuzohet për përdhunimin e një 50-vjeçare shqiptare, e cila punonte si sanitare në Athinë, u përball ditën e sotme me gjykatësit.
35-vjeçari dhe bashkëpunëtori i tij, bëhet me dije nga mediat e huaja se ishin të veshur me jelek anti-plumb, ndërsa shoqëroheshin nga forca të shumta policie në momentin që futeshin në gjykatë.
Në media shkruhet se në momentin e arrestimit, shtetasi bullgar ishte ulur pranë një kioske duke shijuar uzon për herë të fundit në liri.
I arrestuari njihet si një person me precedent penal, pasi më parë ishte arrestuar dhe dënuar po për përdhunim.
Ndërkohë kujtojmë se nga mediat greke është zbardhur dhe dëshmia e , 50-vjeçares shqiptare para autoriteteve greke për orët e tmerrit.
“Unë kam punuar si pastruese për tre vjet në këtë ndërtesë. Teksa isha duke pritur për ashensorin, një burrë më tërhoqi për qafe dhe më futi në shtëpinë e tij në katin e parë. Ai po më mbyste, më vuri duart në qafë. Ai më zhveshi, më çoi në dhomën e tij dhe më përdhunoi. Më goditi në fytyrë. Në një moment, rreth orës 5 të pasdites, ai shkoi në kuzhinë për të gatuar. Vura re se kishte një çelës në derë. E hapa dhe shkova në ballkon. Arrita të kaloj në shtëpinë ngjitur dhe të shpëtoj”, ka treguar 50-vjeçarja shqiptare, e cila është shprehur më tej se nuk e njeh 35-vjeçarin që abuzoi seksualisht me të./Opinion.al
