Mëngjesin e kësaj të enjte Policia njoftoi se në pranga i kishte rënë një 49 vjeçar nga Kuçova pasi akuzohet se ka përdhunuar një të mitur e po ashtu tentoi të trafikoi një 19 vjeçare.
Nëna e vajzës 13 vjeçare ka rrëfyer për BW detajet e dhimbshme nga ky momenti i tmerrshëm që ka kaluar vajza e saj e mitur.
Sipas Rajmonda Gurit, Aliosha Emini 49 vjeç pasi ka abuzuar me vajzën 13-vjeçare ka tentuar të trafikojë për prostitucion edhe vajzën tjetër 19-vjeçare A.G.
Ajo thotë se bashkëshorti i saj ka bërë disa herë kallëzim ndaj 49- vjeçarit të arrestuar ditën e sotme. Dyshohet se Aliosha Emini ka probleme mendore.
“Kishim dijeni që i ngacmonte vajzat dhe kemi bërë disa herë kallëzim në polici. Vajza 13 vjeçare erdhi e shqetësuar në shtëpi dhe nuk fliste. Ajo nuk tregoi për abuzimin se ishte në gjendje të rëndë, Vajza nuk e hapte gojën, e gjeta të mbledhur. Vetëm kur më mori policia, e kuptova ç’i kishte ndodhur”- ka thënë Rajmonda Guri.
