Përcillet sot për në banesën e fundit efektivi i policisë së forcave “Shqiponja”, Novruz Cenalia.
Në hollin e Teatrit Bylis në Fier do të mbahen homazhe nga familjarë, kolegë, qytetarë dhe autoritetet për t’i dhënë lamtumirën e fundit efektivit të Shqiponjave.
Më pas 28-vjeçari do të përcillet në banesën e fundit, në varrezat e fshatit Baltëz.
Kujtojmë se efektivi i policisë Novruz Cenalia u vra mesditën e së hënës, pas një konflikti të çastit me 23-vjeçarin Azgan Mërnica, i cili pas kryerjes së kësaj vrasje është në arrati.
Prej dy ditësh forcat e policisë, forcat speciale RENEA kanë vijuar kërkimet për gjetjen e autorit duke u shtrirë në disa qytete të jugut të vendit.
