Edhe pse ishte në rendin e ditës së punimeve të Parlamentit, dekreti i Nishanit për kamerat e sigurisë nuk është rrëzuar. Partia Socialiste ka kërkuar sot shtyrjen e votimit për shkak se nuk i ka votat.
Kërkesa u bë në nisje të seancës plenare sot nga kreu i grupit parlamentar të PSsë, Gramoz Ruçi, i cili tha se kërkesa është edhe nga ana e LSI-së.
Deputetët e Lëvizjes Socialiste për Integrim kanë kundërshtuar disa herë disa prej neneve të këtij ligji, sidomos atë që detyron bizneset të vënë
kamera sigurie dhe të përballojnë vetë kostot.
PS-ja duket se ende nuk e ka marrë garancinë e LSI-së, pra nuk i ka votat për ta rrëzuar dekretin.
