Sulmuesi i Liverpool, Mohamed Salah pritet të mungojë nga tre deri në katër javë për shkak dëmtimi dhe kështu egjiptiani do të humbasë ndeshjet në fazën e grupeve me Egjiptin.
Lajmi është bërë i ditur nga mjeku i Liverpool për gazetën spanjolle “Marca”.
“Është i pikëlluar dhe është i përqendruar në rikuperim, të shohim kur mund të jetë i gatshëm. Në princip pritet të mungojë tre deri në katër javë, por do të tentojmë të reduktojmë këto data. Ky është një synim i madh” ka thënë mjeku i Liverpool, Ruben Pons për gazetën spanjolle “Marca”.
Nëse Egjipti kalon fazën e grupeve, atëherë Salah do të ketë një mundësi për të luajtur në Botëror, në të kundërt do të kthehet në shtëpi pa luajtur asnjë ndeshje.
Salah u dëmtua në krah në ndeshjes finale të Champions League, gjatë një dyluftimi me Sergio Ramos.
