Sot në mbrëmje mund të vendoset shumë për çështjen e titullit. Partizani do të presë Skënderbeun në “Qemal Stafa”. Fitorja kërkohet nga të dy ekipet, që kanë nga një sukses këtë sezon.
Partizanit i ka mbetur vetëm kampionati, ku kërkon titullin pas 23-vjetësh pritje. Nën drejtimin e italianit Andrea Agostinelli nuk kanë asnjë humbje në Superligë për këtë vit.
Për të mbajtur të përqendruar lojtarët nuk ka preferuar të ketë kontakt me mediat. Nga ana tjetër Skënderbeu duke përfituar nga ndonjë barazim i të kuqve është shkëputur 4 pikë.
Mirel Josa pranoi dje para stërvitjes së fundit se do të mbyllë sa më shpejt llogaritë e kampionatit, më herët se në sezonet e kaluar.
Të kuqtë kanë dilema për shkak të problemeve të Sukajt dhe Mazrekajt në ditët e fundit, ndërsa te korçarët janë të sigurtë në sulm Salihi dhe Xhejms. Takimi do të nisë në orën 19:00 në “Qemal Stafa” pritet një përballje e fortë dhe për ta bërë sa më tërheqëse do të jenë edhe disa qindra tifozë nga Korça. /Tv Klan
