Sport

Përballja me Anglinë, Edy Reja: Jemi të motivuar, Kumbulla do të mungojë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:41 - 27/03/21 |
Opi Nion

Trajneri i Kombëtares shqiptare, Edy Reja, gjatë një konference për mediat vetëm një ditë para ndeshjes më Angli ka treguar detaje nga përgatitjet.

Reja është shprehur se për këtë ndeshje skuadra është shumë e motivuar, teksa theksoi se të gjithë duhet të tregohen  të kujdesshëm.

Trajneri thë gjithashtu se lojtarët do të përgatiten, që të mos lënë shumë hapësira dhe në fund të merret një rezultat pozitiv.

“Motivimi në këtë ndeshje është shumë i madh dhe nuk ka nevojë për motivim. Përballë kemi një nga skuadrat më të forta në Evropa. Nuk është çështje motivimi, por emocioni, duhet të jemi të kujdesshëm në aspektin psikologjik. Anglia ka lojtarë shumë të mirë përpara, të shpejt. Duhet të përgatitemi shumë mirë, për të mos iu lënë shumë hapësira. Shpresojmë që të bëjmë mirë në këtë ndeshje”, tha tekniku.

Ndërkaq gjatë konferencës Edy Reja ka njoftuar dhe një mungesë të rëndësishme për kuqezinjtë në mbrojtje. Marash Kumbulla, i cili ka pësuar një dëmtim në gju do të mungojë në dy ndeshjet e ardhshme, përfshirë edhe në atë me Anglinë./Opinion.al

Pas