Situata e krijuar nga koronavirusi imponoi kufizimin në ekstrem të lëvizjes së personave. Shqipëria ndodhet në një gjendje ‘shtet-rrethimi’ prej ditës së premte dhe thirrja që i bëhet qytetarëve është të qëndrojnë në shtëpi.
Por ky regjim masash i ka kapur qytetarët të papërgatitur. Një pjesë e madhe e tyre u dyndën në supermarkete ku funizuan shtëpitë e tyre me ushqimet bazë. Megjithatë një pjesë tjetër e popullsisë nuk i ka patur këto mundësi dhe ndërprerja e një numri biznesesh ose aktiviteti punë të disa persona i ka lënë ata pa të ardhura. Kështu që është bërë e nevojshme shpërndarja e ndihmave për këta persona në shtëpitë e tyre.
Sot kryeministri Rama ka njoftuar se ka nisur shpërndarja e ndihmave ushqimore për personat e prekur nga tragjedia e tërmetit të 26 Nëntorit dhe që janë ende në carda.
Ai ka ndarë pamje të këtij aksioni në një magazinë të rezervave të shteti nga ku po bëhet shpërndarja e ndihmave.
Rama ka shtuar gjithashtu se shpërndarja do të bëhet në të gjithë Shqipërinë tek pensionistët e vetmuar dhe familjet më të varfra.
Në lidhje me këtë ka njoftuar sot edhe kryebashkiaku i Tiranës, Erion Veliaj i cili thotë se në Tiranë bëhet shpërndarja e vakteve në shtëpi për të moshuarit e vetmuar.
Megjithatë ende nuk ka te dhena te sakta sa është numri i personave qe ne keto momente kanë nevojë per ndihma ushqimore./Opinion.al
