96 për qind e shtetasve të huaj kanë hyrë në territorin e Republikës së Shqipërisë për qëllime personale, ku dominojnë hyrjet për pushime dhe vizitat tek të afërmit. Gjithashtu arsyet personale të ardhjes në Shqipëri të të huajve, lidhen edhe me trajtimet shëndetësore, qëllimet fetare apo edhe udhëtimet transit nga Shqipëria drejt një vendi tjetër. Sipas INSTAT të huajt kanë ardhur në Shqipëri edhe për qëllime biznesi dhe profesionale.
‘Qëllimi i hyrjes në territorin shqiptar i shtetasve të huaj, në 96 % të rasteve është për qëllime personale, ku dominojnë hyrjet për pushime, vizitë tek të afërm, etj. Në mars 2025, ky tregues ka shënuar një rënie me 1,1 %, krahasuar me periudhën mars 2024. Hyrjet e shtetasve të huaj për qëllime biznesi dhe profesionale në mars 2025 kanë rënë me 17,8 %’ përcakton INSTAT.
Periudha janar-mars
Duke analizuar pak më tej periudhën janar-mars 2025, numri i shtetasve të huaj që hynë në Shqipëri ishte 1.626.219, nga 1.535.113 që ishin në të njëjtën periudhë një vit më parë, duke regjistruar kështu një rritje në vlerën 5.9 për qind.
Sa i takon pushimeve dhe vizitave tek të afërmit, si pjesë e arsyeve personale, numri i të huajve që hynë në territorin tone për periudhën janar-mars ishte 1.513.028 shtetas, me një rritje prej 5.3 për qind, krahasuar me të njëjtën periudhë të një viti më parë, ku në Shqipëri hynë 1.423.466 shtetas të huaj.
Sa i takon hyrjeve në Shqipëri për arsye shëndetësore, në tre muajt e pare të këtij viti pati rënie me 49.7 për qind. Konkretisht gjatë kësaj periudhe në Shqipëri hynë rreth 90 shtetas të huaj, nga 179 që ishin në të njëjtën periudhë vitin e kaluar.
Për qëllime fetare, për periudhën janar-mars 2025, pati një rritje të të huajve në vlerën e 7.1 për qind, kështu gjatë tre muajve të pare të këtij viti hynë në Shqipëri 105 shtetas nga 98 që kishte për të njëjtin qëllim vitin e kaluar.
Për të huajt që udhëtuan transit, të dhënat e INSTAT flasin për një rënie në vlerën 8 për qind. Prandaj në Shqipëri për 3-mujorin e parë të këtij viti hynë rreth 60.127 shtetas, nga 65.381 që kishte për të njëjtën periudhë të viti të kaluar.
Në Shqipëri kanë hyrë gjatë këtij 3 mujori për qëllime biznesi dhe profesionale rreth 52.869 shtetas, duke shënuar një rritje me 15 për qind krahasuar me të njëjtën periudhë një vit më parë, ku në vend hynë 45.989 shtetas të huaj. Opinion
