Silvio Berlusconi ka festuar ditën e djeshme 80 vjetorin e tij bashkë me të dashurën gjysmë shekulli më të re.
Ish-Kryeministri i Italisë dhe manjati i medias është larguar nga jeta publike dhe politike që prej ndërhyrjes kirurgjikale që iu nënshktruar në qërshor.
Në një intervistë për revistën Chi, Berlusconi ka deklaruar se për një gjë është pënduar më tepër në jetën e tij. Për faktin se i është përkushtuar më tepër politikës dhe karrierës së tij sesa familjes dhe fëmijëve.
“Kam vendosur ta kalojë më tepër kohë me njerëzit që i dua. 5 fëmijë dhe 10 nipër e mbesa më kanë kthyer në një kryefamiljar.” – ka thënë ai.
Edhe pse ai është munduar të fsheh moshën me anë të operacioneve plastike dhe transplantit të flokëve, kalimi i viteve ka bërë punën e vet.
