Për shkak të festës së Kurban Bajramit, në Libi është vendosur që të bëhet armëpushim për tri ditë. Armëpushimi përfshin Qeverinë e Marrëveshjes Kombëtare dhe gjeneralin, Khalifa Haftar.
Ahmad al-Mesmari, zëdhënësi i gjeneralit Haftar, tha se kanë rënë dakord me armëpushimin, me qëllim që banorët të festojnë këtë festë kaq të rëndësishme për myslimanët.
Më 29 korrik, Ghassan Salame, përfaqësuesi special i sekretarit të përgjithshëm të OKB-së, ofroi një armëpushim mes palëve në Libi me rastin e Kurban Bajramit. Turqia dhe Bashkimi Evropian mirëpritën thirrjen dhe i dhanë mbështetje propozimit të Salames.
Ndërkaq, Organizata e Kombeve të Bashkuara ka thënë se që nga prilli, kohë kur forcat e Haftar sulmuan Tripolin, kanë vdekur më shumë se 1000 njerëz./Opinion.al
