Të enjten e kaluar Lulzim Basha sulmoi Taulant Ballën nga foltorja e parlamentit se “të kanë kapur Toyota Yaris me 1.5 milionë euro”. Tre ditë më pas, u mësua se me te vertetë në portin e Durrësit kishin mbërritur makina nga Belgjika, në dy prej të cilave kishte jo 1.5 por plot 3.4 milionë euro”.
Sot ishte radha e Taulant Ballës për të sulmuar Bashën. Nga foltorja e parlamentit ai paraqiteti një foto, sipas të cilit vëllai i personave të shpallur në kërkim ka pozuar me Bashën në zyrën e tij.
“I vëllai i dy personave me mbiemër Vladi, të shpallur në kërkim është foto me Bashën në zyrat e PD. A u shërbeu Basha vëllait të tyre”, ka deklaruar Balla nga selia e Kuvendit teksa në dorë mbante edhe fotografinë. Më tej Balla u shpreh se Basha përmes deklarimeve të tij ka vënë në rrezik operacionin e policisë.
“Njofton vëllain e mikut nga foltorja e Kuvendit që të mos kalonte nga Ankona. Dyshoj se Toyota Auris po e prisje ti. Vure në rrezik një operacion të suksesshëm policie”, tha Balla.
Pjesë nga deklarata e Taulant Ballës në parlament, teksa Basha po largohej nga salla:
“Mos ik Lulzim , mos u fshi se sot ke një provë të rëndë që të përfshin në historinë e parave. Të kam kallëzuar penalisht. Ja ku e ke Lulzim, ja ku je Lulzim sëbashku me vëllain e personave në kërkim për drogë, për paratë. Ja ku je me vëllain e dy personave me iniciale E.V. dhe A.V. të shpallur në kërkim si pritës të parave. Ja ku e keni në zyrën e Lulzim Bashës, vëllai i dy personave që prisnin paratë në zyrën e Lulzimit. Kjo është provë e pakundërshtueshme. A u shërbeu Basha këtyre njerëzve, kjo i takon drejtësisë, dhe këtë provë do t’ia dorëzoj drejtësisë”.
