Një qytetar banues në Durrës, Andon Shkodra i moshës 59 vjeç, ka tentuar të vras veten për herë të tretë brenda 10 ditësh, dy prej të cilave ndodhën brenda 48 orësh. Shkak është bërë një vendim i gjykatës të shkallës së parë, për largimin e tij nga banesa.
Andon Shkodra, banor i lagjes nr.18, pas vendimit të gjykatës për largimin nga banesa e tij në fillim të muajit tjetër, ka bërë që rreth orës 11:00, të hyjë në ambjetet e gjykatës dhe ta lyej veten me benzinë. Në momentin e fundit, qytetari u ndalua nga polici i cili ndodhej në vendngjarje.
Pas kësaj ngjarje burimet policore dëshmojnë se e kanë dërguar, z.Shkodra, në ambientet e policisë në gjendje të rënd mendore.
Të njëjtat burime na tregojnë se vite më parë z.Shkodra ia ka shitur banesën e tij një firme ndërtimi nga e cila ai supozohej të fitonte një hyrje. Por, për fatkeqësisht procedurat për ta njohur banesën e qytetarit në ndërtesën e re, nuk u mbyllën plotësisht, pasi pronari i firmës ndërroi jetë. Kjo është dhe arsyeja pse gjendja e qytetarit është përkeqësuar, sepse ai pretendon se banesa i është marrë pa të drejtë.
