Jemi në sezonin e futbollit, dhe padyshim vëmendja e gjithë botës është në Rusi. Kupa e Botës 2018, është kompeticioni që i ngujon të gjithë para ekranit, madje edhe ata të cilët nuk shohin futboll. Përjashtim nuk bëjnë as politikanët shqiptarë, të cilët këtë muaj kanë lënë pas disi njarjet dhe tensionet e një viti duke u relaksuar e emocionet që të jep futbolli. Opinion.al, ka kërkuar dhe ka pyetur disa prej politikanëve, për të mësuar se për cilat skuadra bëjnë tifozllik. Jeni kuriozë të dini se cilat janë skuadrat e zemrës së politikanëve tanë? Zbulojeni më poshtë:
Edi Rama – Kryeministri Edi Rama në fakt nuk e ka fshehur kurrë mbështetjen e tij për Italinë. Ai është një tifoz i flaktë i kësaj skuadre, ndërsa këtë vit fatkeqësisht nuk arriti të ishte pjesë e Kupës së Botës. Nga postimet e shpeshta në profilin e tij, Rama duket se është ndjekës i rregullt i Botërorit, dhe në munges të skuadrës së tij, po meret me skuadrat e tjera, (si të gjithë tifozët e Italisë).
Lulzim Basha – Kreu i Partisë Demokratike, Lulzim Basha, edhe pse nuk ka shfaqur ndonjë simpati publikisht bën tifo për skuadrën e Gjermanisë.
Taulant Balla – Deputeti socialist, në postimet e tij në Instagram, ka treguar se është një tifoz i Gjermanisë. Kjo në fakt është e kuptueshme pasi Balla është tifoz i Bayern Munchen.
Edi Paloka – Gjermania mesa duket ka shumë tifozë në radhët e politikës. Edhe deputeti demokrat Edi Paloka, është një tifoz i zjarrtë i skuadrës gjermane. Këtë nuk e ka fshehur edhe në postimet e tij të fundit në Facebook.
Enkelejd Alibeaj – Deputeti i Partisë Demokratike, është tifoz me Italinë. Duke qenë se Italia nuk është pjesë e këtij kompeticioni, ne e pyetëm zotin Alibeaj nëse mbështeste një skuadër tjetër, por ai u shpreh se jo.
Grida Duma – Deputetja bukuroshe e Partisë Demokratike, edhe pse nuk e ndjek futbollin, me modesti u shpreh për Opinion. al, se kishte një simpati për Spanjën. Grida tha se i pëlqente energjia e kësaj skuadra, si edhe vetë Spanja si një vend mesdhetar.
Silva Caka – Deputetja simpatike e LSI-së është tifoze me Italinë. Madje ajo e ndjek shumë futbollin, edhe në mungesë të skuadrës së saj të zemrës. E pyetur nga ne, se për cilën skuadër bën tifo, ajo u shpreh se mbështet Gjermaninë. Duket e çuditshme që një tifoz italian të mbështesi Gjermaninë, por Silva ka bashkëshortin me këtë skuadër, dhe sigurisht që do mbështesi njeriun që i ka marrë zemrën.
Ervin Salianji – Deputeti i Partisë Demokratike Ervin Salianji, është tifoz me Brazilin. Siç u shpreh për Opinion.al, shkaku që u bë me këtë skuadër ishte 3-shja e famshme e futbollistëve Ronaldo, Rivaldo dhe Kaka, të cilët dihet që kanë shkruar historinë e kësaj skuadre. Salianji e mbështet Brazilin pasi e konsideron një skuadër të fortë, e cila dhuron emocion.
Oriola Pampuri – Deputetja e Partisë Demokratike, Oriola Pampuri është tifoze e Italisë. Por ajo ka vendosur që në mungesë të skuadrës së saj të zemrës, të mbështesë Francën, një skuadër kjo e cila shihet si favorite këtë vit.
Opinion.al
