TIRANË- Dy ditë pasi vizitoi Shqipërinë, ministri italian i Drejtësisë ka treguar edhe arsyen e vertetë të vizitës. Nga janari i vitit 2016 do të vendoset në Tiranë një gjykatës italian. Andrea Orlando shkruan në faqen e tij në Facebook se do të dërgojë një gjyqtar kontakti. Qëllimi sipas tij është lufta e përbashkët ndaj terrorizimit.
“Sëbashku me prokurorin atimafia dhe antiterrorizëm Franco Roberti takuam pjesën më të madhe të zyrtarëve të Shqipërisë. Kryeministrin Edi Rama, ministrin e Drejtësisë, ministrin e Brendshëm, Kryeprokurorin. Diskutuam në takime operative për strategji të përbashkëta midis Italisë dhe Shqipërisë për luftën ndaj terrorizmit. Italia do të mbështesë Shqipërinë me prezencë të kapacitetve njerëzore dhe teknologjisë”.
“Në javët e ardhshme unë do të dërgoj një gjyqtar ndërlidhës në Tiranë për të promovuar dhe për të forcuar bashkëpunimin në hetimin e terrorizmit, krimit të organizuar dhe trafikimit të qenieve njerëzore”, shkruan ministri italian i Drejtësisë.
