Të enjten më 15 shtator 2022, në pjesën e parë emisioni “Opinion” i gazetarit Blendi Fevziu u fokusua në denoncimet kundrejt kreut të Partisë së Lirisë, Ilir Meta dhe u ndal specifikisht në akuzën e avokatit Idajet Beqiri.
Ilir Meta është denoncuar tre herë në SPAK brenda 20 ditëve. Meta akuzohet për pastrim parash me lobim në SHBA për një shumë prej 690 mijë euro nga Halit Valteri, akuzë për korrupsion nga gazetari Adriatik Doçi, i cili investigimin e tij e ka depozituar në SPAK dhe akuzë e fundit për qindra mijëra euro ndërhyrje estetike të padeklaruara nga Idajet Beqiri.
Për të kuptuar më shumë se çfarë realisht po ndodh, në emision kanë qenë shtatë të ftuar.
Pesë nga shtatë të ftuarit ishin në studio. Të pranishëm ishin Genc Gjokutaj, Mark Marku, Preç Zogaj, Glidona Daci, Poli Hoxha, Spartak Koka dhe Artan Hoxha.
Një pjesë e gazetareve do të jenë specifik për çështje të caktuara. Kështu që, Glidiona Daci sqaroi akuzën që është bërë nga ish-deputeti Valteri dhe gazetari Doçi, ndërsa gazetari Sparak Koka sqaroi akuzën e avokatit Idajet Beqiri.
Sakaq, në lidhje skype ishin ish-deputeti Halit Valteri, paditësi çështjes së parë të Ilir Metës dhe Monika Kryemadhi.
Me Monika Kryemadhin u diskutua për padinë e avokatit Idajet Beqiri dhe për takimin me ambasadorën amerikane Yuri Kim dhe për marrjen e masave për pengesën e parave rusë në Shqipëri.
Ndërkohë, në pjesën e dytë të emisionit u fol për takimin me ambasadorën amerikane Yuri Kim dhe për marrjen e masave për pengesën e parave rusë në Shqipëri.
