Një 52 vjeçar me origjinë shqiptare është arrestuar në Greqi pas një operacioni disa mujor.
Shqiptari dyshohet të jetë organizatori i një karteli të madh droge dhe ndaj tij kishte një urdhër arresti evropian si një nga personat që fitonte shuma marramendëse parash nga trafiku i lëndëve narkotike në Holandë.
Sipas mediave të huaja shtetas operacioni u zhvillua falë bashkëpunimit shumë mujor të Departamentit të Ndjekjes së Drogës në Drejtorinë Operative të Shërbimit të të Ardhurave të Brendshme Greke Attica me autoritetet përkatëse holandeze.
Personi, i cili besohet të jetë organizatori i një karteli të madh droge u gjet dhe u arrestua në Glyfada dhe kërkohej me një urdhër arresti evropian si anëtar drejtues i një organizate kriminale që merret me grumbullimin dhe shpërndarjen e shumave të mëdha parash në Holanda nga tregtia e paligjshme e narkotikëve.
Siç njofton Ministria e Financave, organizata kriminale trafikonte në baza ditore, nëpërmjet një sistemi bankar “të nëndheshëm” me përdorimin e komunikimeve të koduara, shuma të mëdha parash dhe llogaritet se për një periudhë rreth 10 mujore u trafikuan 250 000 000 euro.
Në kontrollin e kryer në banesën e të dyshuarit, janë gjetur dhe sekuestruar shuma parash në kartëmonedha nga vende të ndryshme, duke përfshirë euro, dollarë amerikanë, dollarë kanadezë, dollarë australianë, franga zvicerane, lira turke, dirhemë të Emirateve të Bashkuara Arabe dhe Rand i Afrikës së Jugut. .
Autoritetet konfiskuan gjithashtu telefona celularë, duke përfshirë një telefon celular të përdorur për biseda të koduara përmes aplikacioneve speciale, një tabletë, një disk dixhital dhe karta SIM.
Drejtoria Operative e Attica vijon bashkëpunimin me Autoritetet Holandeze përkatëse dhe me Autoritetet Gjyqësore kompetente të vendit, pasi ka dyshime të arsyeshme për pastrim parash në Greqi nga aktivitete kriminale./Opinion.al
