Një konflikt ku janë përdorur edhe armë zjarri ka ndodhur sot në qendër të qytetit të Elbasanit.
Si pasojë kanë mbetur të plagosur me armë zjarri shtetasi Fezi Ago dhe Astrit Cërriku ndërsa një shtetas tjetër Mihal Kocashi ka mbetur i plagosur me sende të forta.
Ngjarja ka ndodhur ndërmjet orës 17:30 – 18:00 në një lokal mbrapa Pallatit të Sportit “Tomorr Sinani”. Pas një sherri për motive të dobëta në ambientet e lokalit, autori ka shkuar në shtëpi ka marrë armën dhe më pas ka qëlluar ndaj personave me të cilët ishte konfliktuar.
Forca të shumta policie mbërritën në vendin e ngjarjes dhe bëhet me dije se janë ngritur postblloqe për kapjen e autorit. /Opinion.al
