Aktorja Jessica Alba ka dhënë një intervistë, ku përveç projekteve kinematografike dhe sipërmarrjes, ka bërë edhe një rrëfim të vogël në lidhje me disa tatuazhe të bëra në trup vite më parë si dhe për frekuentimet nëpër sallonet e bukurisë për të bërë solar trupi.
35 vjeçarja e ka pranuar se është penduar për këto tatuazhe të bëra në moshën 18 vjeçare. “Asnjëherë nuk do të jeni në të njëjtin vend emocionalisht dhe mendërisht, kur jeni në moshën 18 vjeçare. Diçka që është kuptimplotë për ju në moshën e re, nuk do të ketë asnjë kuptim pas pesë vjetësh”, është shprehur ajo gjatë kësaj interviste.
