Rezart Dokolli, shoku i ngushtë i Martin Çeços 26 vjeç i cili u gjet i vrarë, është ballafaquar live me Borën, vajzën që i ndjeri pëlqente por që mendonte se quhej Tina Pajollari.
Emisioni Uniko nga Spartak Koka ka bërë ballafaqimin e dy palëve. Në prani edhe të babait të saj, Bora u përball me shokun e Martinit, Rezart Dokollin.
Këtë të fundit, Bora tha se e njeh pasi shkonte me Martinin te byrektorja në Korçë, aty ku ajo punonte. Madje u shpreh se Rezarti i foli njëherë dhe pronarit të saj dhe i kishte thënë që “ajo vajza më pëlqen mua”.
Ndërsa Rezarti, shoku i Martinit, i mohoi këto fjalë, duke thënë vetëm se Borën e ka parë që punonte tek byrektorja në Korçë.
Ai u shpreh se babait të Borës i kishte shkuar së bashku me Martinin për t’i kërkuar dorën vajzës, ashtu siç kishte shprehur dëshirën 26-vjeçari.
Spartak Koka: Kjo është vajza që ka parë Martini?
Rezart Dokolli: Që erdha që i kërkuam dorën, kjo është.
Spartak Koka: Ke folur ti ndonjëherë me këtë vajzën?
Rezart Dokolli: Jo s’kam folur.
Bora: I sigurt që s’ke folur me mua?
Rezart Dokolli: Po. S’kam folur, thjesht e njoh atje.
Spartak Koka: Ka folur me ty apo s’ka folur?
Bora: Po, ka folur. Unë e njoh, ai vinte te puna. S’më ke thënë mua ti të të bëj një pyetje dhe më pas më ke thënë lere fare?
Rezart Dokolli: Jo nuk mbaj mend.
Bora: Nuk i ke thënë ti pronarit tim që do i thuash asaj vajzës? Po të jetë për ty që ti më ke kapur dhe më ke thënë, unë jam i sigurt që më ke thënë se unë ty të njoh dhe pronari im ty të njeh. Unë kam qenë duke pastruar tavolinën dhe më ke thënë të të bëj një pyetje. Po të kam thënë unë. Dhe pastaj më ke thënë nuk ta bëj tani.
Rezart Dokolli: Nuk kam bërë, nuk mbaj mend.
Bora: Dhe më pas ka nxjerrë pronarin tim jashtë dhe i ka thënë pronarit që ajo vajza më pëlqen mua.
Rezart Dokolli: Jo, jo, unë kam dy fëmijë. /tvklan.al
