Ministri i Bujqësisë Niko Peleshi ka shkarkuar nga detyra drejtorin e Drejtorisë së Ujitjes dhe Kullimit për rajonin Korcë-Elbasan-Berat pas akuzave të LSI. “Ai rezulton fajtor me një vendim të formës së prerë, fakt për të cilin nuk është marrë dijeni në momentin e emërimit të tij”, thuhet në reagimin e ministrit Niko Peleshi.
Më herët ishte deputeti i LSI, Endri Brahimllari që publikoi dokumentin per denimin e Nexhip Merolit. “Edi Rama emëron Drejtorin e Përgjithshëm të Bordit të Kullimit për rajonin Korçë, Elbasan, Berat shtetasin Nexhip Meroli, i dënuar me vendim të formës së prerë nga Gjykata e Rrethit Gjygjësor Korcë. Kryeministri i Drogës riciklon të dënuarit në poste kyçe në administratën publike. Bashkëngjitur gjeni vendimin e Gjykatës dhe urdhërin e emërimit. Kjo është Rilindja e paligjshmërisë”, shkruan Brahimllari.
