Aktualitet

Peleshi: Në Karaburun nuk ka asnjë vatër aktive


Bëhu pjesë e Grupit Zyrtar të Opinion.al
>> KËTU <<
               Publikuar në : 12:21 - 11/08/21 |
Opi Nion

Ministri i Mbrojtjes, Niko Peleshi, ka bërë me dije se pas më shumë se dy javësh në Karaburun nuk ka asnjë vatër zjarri aktive.

Në një njoftim për mediat, Peleshi deklaron se është shpëtuar dhe Parku i Llogarasë, i cili prej ditësh ishte i kërcënuar nga flakët.

Më tej ai përmend komandantët dhe të gjithë ata që kanë kontribuar në normalizimin e situatës dhe thekson se stina e nxehtë e verës s’ka mbaruar dhe sfidat vazhdojnë.

 “Më në fund pas 2 javësh mundi dhe sakrificash, nuk ka më vatra zjarri në Karaburun. Qindra orë betejash, qindra trupa të Forcave të Armatosura e forcave zjarrfikëse, specialistë të zonave të mbrojtura dhe emergjencave civile kanë punuar pa u lodhur për të shpëtuar Parkun Kombëtar të Llogarasë.

Kjo stinë e nxehtë s’ka mbaruar por sot, në këtë moment frymëmarrjeje dua t’i falenderoj të gjithë ata që dhanë gjithçka në këto ditë të vështira. Të gjithë po bëjmë detyrën por disa heronj shkojnë përtej detyrës.

Prefekti Flamur Mamaj, komandantët që drejtuan operacionet e vështira Gëzimi, Pëllumbi, Idrizi, Arbeni, punonjësit e Agjencisë së Mbrojtjes Civile, punëtorët e palodhur të zonave të mbrojtura si Nexhipi, Ganiu e te tjerët që nuk i takova dot sepse ishin gjithë kohën në frontin e betejës me zjarret, pilotët Julian, Agimi, Ervini dhe Agroni, janë shqiptarë të rrallë që meritojnë respekt dhe mirënjohje.

Nuk mund ta le mënjanë çdo ushtar të thjeshtë që nuk ia mësova dot emrin por i pashë veprën. Sfida vazhdon. Ne jemi të gatshëm në krah të komuniteteve lokale.”, shprehet Peleshi./Opinion.al

Pas