Kryeministri Edi Rama së bashku me ministrin e Mbrojtes, Niko Peleshi janë ditën e sotme në qytetin e Korçës, teksa po zhvillojnë një bashkëbisedim me qytetarët.
Në fjalën e mbajtur, Niko Peleshi është shprehur se tashmë kanë arritur në një pikë që i frymëzon për të bërë akoma më shumë. Ndër të tjera Ministri i Mbrojtjes shton se në 4-vjeçarin e ardhshëm fokusi i qeverisë do të jetë ekonomia.
Peleshi ka shprehur prespektivën për qytetin e Korçës, duke e konsideruar si një qytet që i ka kapacitetet për t’i punësuar të gjithë qytetarët.
“Është një rrugë që po e bëjmë së bashku. Një rrugë që po të kthehemi disa vite pas, shumë kush mendonte se nuk do të bëhej realitet. Kemi arritur në një pikë që na frymëzon, për të pretenduar edhe më shumë. Projekti i Korçës nuk ka përfunduar. Kemi rritur që të kemi disa sektorë që ecin shumë mirë dhe konkurrojnë me biznese që dalin edhe përtej Shqipërisë, por jemi ende larg destinacionit që është një qytet që ofron mundësi punësimi për të gjithë. Këtë 4-vjeçar do të fokusohemi të gjithë tek ekonomia”, tha Peleshi./Opinion.al
