Pedagogia Ilirjana Kuçana e ftuar në studion e Ora News ka rrëfyer telefonatën e kryeministrit Edi Rama, i cili i ka kërkuar dialog për t’i dhënë fund protestës së studentëve.
Ilirjana Kuçana: Më ka kërkuar dialog, por dialogun nuk e vendos unë. Unë jam shumë e vogël përpara studentëve. Studentët e nisën këtë protestë, ata janë të vendosur për ta vazhduar dhe unë do t’i mbështes deri ditën e fundit. Kryeministri këmbënguli për dialog, duke qenë se ti je pedagoge duhet të marrësh një përfaqësi studentësh për të dialoguar për një zgjidhje. Përgjigja ime ishte e qartë, zgjidhjen e ke sipër tavolinës, ke kërkesat e studentëve.
Miratimin e buxhetit e bën kryeministri, atë që kishte në dorë ministrja e bëri, shfuqizoi vendimin. Por duhet të kishte një qasje tjetër. Ditën e parë ministrja duhet të kishte qytetarinë dhe duhet të kishte dhënë dorëheqjen. I shpjegova situatën si mund të zgjidhet, ja nisa dhe me shkrim, pikat që duhet të zgjidhen. I shpjegova kryeministrit se problemi nuk qëndron tek dekanët, por tek ministria.
