Dy ditë para fillimit të vitit të ri akademik, pedagogët janë duke zhvilluar këtë të premte një protestë tek Universiteti i Arteve, ku i kërkojnë qeverisë rritjen e pagave.
Ata shprehen se pagat e pedagogëve janë më të ulëta, krahasuar me Kosovën dhe rajonin. Sipas tyre, kjo protestë është për dinjitetin e arsimit dhe mësuesve.
‘E nisim këtë forum, e protestë, për të pritur datën 17. Sindikata e punonjësve të universiteteve ka qartesuar se hallin e ka qeveria, e cila dhe pse ka nivelin më të ulët krahasuar me Kosovën e Rajonin edhe e ka shkurtuar buxhetin. Ku jemi sot me kartën e studentit? Fakt është që jo vetëm që jemi më poshtë me pagat se Kosova, por edhe nga Bosnjë Hercegovina. Kjo s’është thjesht protesta jonë, por për dinjitetin e arsimit dhe mësuesve.’- tha anëtari i sindikatës i punonjësve të universiteteve./Opinion.al
