Gjatë një prononcimi për mediat, kreu i sindikatës së pedagogëve, Sandër Kovaçi është pyetur nga gazetarët nëse do të marrin pjesë në protestën e thirrur nga Partia Demokratike më 12 nëntor.
Kovaçi u shpreh se lëvizja e tyre është universitare dhe se nuk ka të bëjë me partitë politike. Ai shtoi se çdo pedagog ashtu siç çdo qytetar i lirë ka të drejtë t’i bashkohet protestës së opozitës nëse dëshiron.
“Kjo është një lëvizje universitare lëvizjet e opozitës janë lëvizje të opozitës, ata kanë agjendën e tyre ne kemi agjendën tonë jashtë tyre. Çdo anëtar i joni ka të drejtë të shkojë nëse do të jetë i përfshirë, ka të drejtë të rrijë. Këtu, një pjesë prej nesh nuk janë as në pozitë as në opozitë. Kjo është një lëvizje universitare që nuk ka të bëjë me partitë. Çdo njëri prej nesh si qytetar ka të drejtë të marrë në cdo protestë pjesë, sikurse po të mos dëshirojnë nuk marrin pjesë”, u shpreh Kovaçi./Opinion.al
