32 pedagogë të Fakultetit të Shkencave Sociale, të hënën, kanë dënuar ndërhyrjen e forcave policore në ambjentet universitare, si dhe ushtrimin e dhunës ndaj studentëve.
Përmes një letre, ata theksojnë se mbështesin çdo kërkesë dhe përpjekje për të pasur arsim të lartë cilësor, universitet me liri akademike dhe autonomi institucionale.
Gjithashtu, shprehin vullnetin për të ofruar kontributin e tyre në kuadër të një platforme të përbashkët studentë-pedagogë-politikëbërës për rishikimin e kuadrit ligjor për arsimin e lartë, të miratuar pa asnjë konsultim me aktorët e arsimit të lartë publik.
Ndërkohë studentët vijojnë ngujimin e tyre nëpër auditore të fakulteve edhe sot, protestës i janë bashkuar edhe studentë të tjerë që janë ngujuar në universitete të tjera.
