Pasi mbrojti me gjithë forcën paketën “Anti shpifje”, kryeministri Edi Rama tha se ndryshimet e ligjit janë konsultuar 1 vit rresht me BE dhe KE dhe iu ka thënë drejtuesve të këtyre institucioneve të larta evropiane se janë nën presionin e organizatave të rreme dhe se nuk e kanë lexuar ligjin.
Më pasi ai sulmoi edhe emra konkretë si politikanë dhe gazetarët, që janë shprehur kundër këtij ligji.
Nënkryetarin e LSI-së, Petrit Vasili e etiketoi si “Peçi Vasili”. “Shikoj atë Peçi Vasilin që del e solidarizohet, del Peçi për lirinë e shprehjes, në 7 fjalë 6 i ka sharje dhe shpifje, Peçi, po bëjmë ligj të mbrojmë veten nga Peçi Vasili, dhe ai është heroi i fjalës së lirë”.
Ndërsa për të mbrojtur ndryshimet iu drejtua edhe deputetes Rudina Hajdari.
“Derisa kur mendonte si partia, ajo ishte vajza e heroit të demokracisë ngritur në piedestal” – tha Rama. Por sipas tij ditën që mendoi si donte vet, thanë është korruptuar, mori leje ndërtimi, etj.
“Liri është kjo? Çfarë lirie është kjo? Këto janë akuza. Dhe kush merr përsipër të shkruajë duhet të japë fakte dhe dënimi është qesharak në raport me dënimin që bëjnë ata“, tha Kryeministri.
Për gazetarin Artur Zheji
“Artur Zheji e bëri vajzën tonë dashnore të ministrit dhe tani thotë do largohem nga Shqipëria po u bë ky ligj, mbasi shkoi në gjykatë, s’paraqiti asnjë fakt, ishte një shpikje e ulët. Unë me këta kështu jetoj dhe mbijetoj dhe 1 mijë vjet të tjera, por kjo është për shoqërinë“, tha më tej Rama.
Për botuesin e gazetës Tema
“Si organizatat e Mero Bazes, që e ka edhe ai që e përdor për të ngritur ndonjë çështje, se kur e shohin ata andej që organizata po ankohet nuk shohin kush është organizata po ngrihen për të mbrojtur lirinë. Organizata të rreme si profilet false në Facebook. Apo si ata që dalin tek Rai3 dhe flet për burgjet që janë mbushur me gazetarë, për censurën dhe hatanë që bëhet këtu. të censuruar janë ata që kanë të drejtë“/ Opinion.al
