Videoja kur Lionel Messi shpërtheu në lotë, gjatë konferencës për shtyp kur njoftoi largimin nga Barcelonën bëri xhiron e botës. Ai mbërriti në Barcelonë kur ishte 13-vjeç dhe u largua në vitin 2021 kur arriti gjithçka sa i takon anës profesionale, dhe fitoi 6 herë Topin e Artë.
Ndërkohë, bëhet me dije se peceta e përdorur nga futbollisti për të fshirë lotët në konferencë ka dalë në ankand. Çmimi i kësaj pecete është 1 milion Dollarë.
FC Barcelona njoftoi largimin e Messit më 5 Gusht. Ekipi nuk ishte në gjendje të bënte një kontratë të re me lojtarin për shkak të rregullave financiare të kampionatit spanjoll.
Tashmë, Messi është lojtari më i ri i klubit francez i futbollit Paris Saint-Germain. Kontrata me argjentinasin 34-vjeçar është për dy sezone me mundësi rinovimi. Paga e tij do të jetë 35 milionë euro në vit.
