Parlamenti Evropian miratoi sot rezolutën për hapjen e negociatave për anëtarësimin e Shqipërisë dhe Maqedonisë së Veriut në Bashkimin Evropian.
Mësohet se 412 eurodeputetë nga 578 të pranishëm në seancë votuan në favor të rezolutës. Po ashtu, është theksuar se dy vendet duhet të vijojnë me procesin e reformave të ndërmarra.
Parlamenti Europian i ka bërë thirrje Këshillit Evropian, të ndalojë frenimin e perspektivës së negociatave të pranimit dhe të kërkojë një propozim të Komisionit për një partneritet të ri me këto vende; po kështu të monitorojë përdorimin e fondeve në Maqedoninë e Veriut dhe të sigurojë një raport të hollësishëm në Parlament; Udhëzon Presidentin e tij që t’ua përcjellë këtë rezolutë Komisionit, Këshillit, qeverive e parlamenteve të shteteve anëtare dhe qeverive e parlamenteve të Shqipërisë e Maqedonisë së Veriut.
Tytti Tuppuraine, ministrja finlandeze për Çështjet Europiane, është shprehur e zhgënjyer nga vendimi i KE-së, për Shqipërinë dhe Maqedoninë e Veriut./ Opinion.al
