Kreu i PD-së, Lulzim Basha të dielën paradite do takohet me kreun e PDIU-së, Shpëtim Idrizi.
Takimi në fjalë do të zhvillohet në një nga hotelet e njohura në kryeqytet.
Burime nga selia blu, thanë se pas takimit mes dy kryetarëve, do të flitet edhe për afrimin e PDIU-së me PD-në.
Kujtojmë se vetëm pak ditë më parë Idrizi njoftoi shkëputjen e koalicionit me PS-në.
Pas këtij hapi, kreu i PD-së nga Durrësi, i bëri thirrje PDIU-së që t’i bashkohet nismës së opozitës.
Sipas kreut të opozitës, çdo bashkim kundër së keqes, do t’i shkurtonte rrugën qeverisjes së Edi Ramës.
Një ditë më parë, Idrizi tha se nuk e ka problem se në koalicionin e opozitës është edhe PBDNJ./Opinion.al/
