Ish-deputeti demokrat Baardh Spahia duke ngritur shqetësim për situatën e krijuar nga Covid 19 në vend, i ka drejtuar disa pyetje Kryeministrit dhe Ministres së Shëndetësisë.
Sipas Spahisë, duke ju referuar denoncimeve që i kanë mbërritur, arsyet se përse nuk hapet asnjë repart i ri spitalor lidhen me mungesën e pajisjeve, mjekëve dhe sidomos anestezistëve reanimatorë.
10 pyetjet e ngritura nga Bardh Spahia
1- Si është situata konkrete, pasi me denoncimet që na vijnë, arsyeja se pse nuk hapet as edhe një repart i ri spitalor, pas Covid 1 e 2 është se nuk ka pajisje e madje as mjekë (sidomos anesteziste-reanimatore) mjaftueshëm?
2- A është e vërtetë se ka mungesa serioze stafi mjekësor, kryesisht anestezistë edhe tek vetë spitali infektiv?
3- Cfarë po bëni për t’ua lehtësuar mbingarkesën stafit ekzistues, që po mban peshën e mungesave në mjekë e infermierë?
4- Cfarë keni bërë për sigurimin e pajisjeve e kapaciteteve shtesë në staf shëndetësor (dy spitale të tjera Covid 3 e 4 i duan të dyja), prej muajit janar kur nisën përgatitjet serioze për këtë pandemi, nën nxitjen e ekspertëve vendas e të huaj?
5- Sa ka qenë e do jetë financimi nga buxheti i shtetit për rritje kapacitetesh apo keni ndjekur strategjinë e papërgjegjshme të pritjes vetëm të ndihmave nga partnerët e miqtë e huaj?
6- Cfarë po bëni për të rritur buxhetin për shëndetësinë, sepse edhe vetë OKB shprehu shqetësimin për nivelin e ulët, që rrezikon betejën me Covid-19 në dëm të shqiptarëve?
7- Kur do rishikoni dhe anuloni koncesionet për të kaluar fonde e shërbime tek institucionet e shëndetit publik, pasi ende nuk dihet si do sillet virusi Korona në muajt e ardhshëm e si do mbivendosen me virusin e gripit stinor?
Dhe pyetja e hershme e mbetur pa përgjigje:
8- Nga janë marrë e me çfarë procedurash tamponët që dalin në përqindje kaq të lartë fals negative për personat e dyshuar me Covid-19?
9- Edhe sa viktima të tjera duhet të ketë, që të impenjoheni seriozisht për rritje fondesh, kapacitetesh dhe tamponësh për të bërë si duhet identifikimin e gjurmimin e përhapjes së Covid-19 në gjithë vendin, e për ta këputur zinxhirin e infektimit?
10- Akoma besoni se ky virus mund të luftohet vetëm me propagandë?
Kujtojmë se vetëm disa ditë më parë, Ministria e Shëndetësisë njoftoi punësimin e 50 infermierëve në spitalin “Shefqet Ndroqi, ndërsa në mëyrëtë vazhdueshme ky institucion ka përsëritur marrjen e masave për sezonin vjeshtë-dimër.”/Opinion.al
