Partia Demokratike pritet të mbajë zgjedhjet për kryetarin më 13 Qershor. Është ky një propozim i ardhur nga Sekretari i Përgjithshëm Gazment Bardhi në mbledhjen e kryesisë.
Sipas propozimit të Bardhit, nga 16-22 maj do të bëhet paraqitja e kërkesës për kandidim nga ata që përmbushin kriteret, ndërsa në periudhën 24 maj – 11 qershor është koha për fushatë në të gjithë strukturat.
Në 13 qershor të mbahen zgjedhjet sipas parimit një anëtar një votë.
Njëkohësisht për procesin zgjedhor do ngrihet një komision i drejtuar nga Emin Gjana dhe me anetare: Albana Vokshi, Belind Kelliçi, Eno Bozdo, Mimoza Hasekiu, Albert Avduli , Gjokë Vuksani. Ervin Minarolli dhe Lulzim Omuri do te jenë ndihmës.
Duket se kjo mund të jetë një zgjidhje e mesme, ndërkohë që mandati i kryetarit dhe strukturave aktuale përfundon në Korrik dhe nga ana tjetër anëtari i Kryesisë Kadilli, kishte kërkuar dorëheqjen e Bashës./Opinion.al
