Kryebashkiaku i Tiranës, Erjon Veliaj është vënë sërish në qendër të akuzave të opozitës për afera në dhënie tenderash. Demokratët e akuzojnë se në kundërshti me ligjin, pa garë dhe me dokumentacion të falsifikuar, në 22 Shkurt, Kryebashkiaku i ka dhënë 1 miliardë e 200 milionë lekë firmës “Ecologjica Albania”, për pastrimin e një zone në kryeqytet.
“Prokuroria ka nisur hetimet për këtë rast, por një zbardhje e plotë e rrethanave do të ishte në interes të publikut, për të kuptuar se si një operatori me dokumenta false i jepen 1 miliardë e 200 milionë lekë. Prokurimi është bërë me 22 shkurt të këtij viti dhe i është dhënë firmës Ecologica Albania, me negocim, pa tender, pa garë, pa shpallje. I gjithë fondi i jepet mikut të Erion Veliajt edhe pse është shumë më tepër se fondet e nevojshme për pastrimin e asaj zone të Tiranës. Miku i Erionit merr taksat e qytetarëve të Tiranës dhe paraqitet në Bashki me letra false.”
Partia Demokratike i bëri thirrje Prokurorisë të hetojë dhe mos heshtë lidhur me atë që ajo e cilëson aferë korruptive me paratë e taksapaguesve të kryeqytetit.
Tv Klan
