Kreu i Departamentit të Rendit e Sigurisë në Partinë Demokratike, Enkelejd Alibeaj kërkuar një konferencë për shtyp forcim të rendit e sigurisë në vend duke theksuar se ky fillim viti ka shënuar një bilanc tragjik krimesh e aksidentesh.
Alibeaj renditi 8 viktimat e këtij fillim viti që tregojnë gjendjen e përkeqësuar të sigurisë në Shqipëri:
“Një bilanc dramatik është shënuar në këtë fillimviti në vendin tonë, duke dëshmuar edhe njëherë përkeqësimin e rendit dhe sigurisë. Një krim i dyfishtë në Sarandë u shënua në orët e para të vitit 2016. Shtetësja Lina Uzo u ekzekutua nga bashkëshorti, edhe pse ajo kishte një urdhër mbrojtjeje, si pasojë e dhunës që ushtronte bashkëshorti i saj. Në orët e para të mëngjesit të 1 janarit, si pasojë e aksidentit në aksin LushnjëBerat humbi jetën një 17vjeçare ; po më 1 Janar 18vjeçari Rudolf Javxhiu humbi jetën në aksin LinPogradec; 4 të rinj u plagosën dhe fatkeqësisht njëri prej tyre, Ardit Piranej, 34 vjeç, humbi jetën në aksin VelipojëShkodër”, tha Alibeaj i cili shtoi se:
“Në Tiranë, efektivi 48vjeçar i policisë, Njazi Cera humbi jetën, si pasojë e një aksidenti në Sauk. Një vrasje e dyfishtë shoqëroi këtë fillimviti të përgjakshëm. Në fshatin Drisht të Postribës, dy vëllezër Abdulla dhe Skënder Shkami janë ekzekutuar me armë zjarri. Mbrëmë në aksin LezhëShkodër është qëlluar me armë zjarri, duke humbur jetën, shtetasi Dritan Lorenci. Një bilanc tragjik, 8 viktima në vetëm dy ditë, tregon një përkeqësim të rendit dhe sigurisë”.
