Demokratët thonë se pas uniformës së re të policisë fshihet një korrupion prej 1.1 miliardë lekësh. Gishtin e akuzës Kreu iDepartamentit të Rendit dhe Sigurisë në selinë blu, Enkelejd Alibeaj e ngriti mbi Ministrin e Brendshëm Saimir Tahiri, për të cilin tha se ka shpallur fituesin përpara se vendimi të botohej në fletoren zyrtare.
Enkelejd Alibeaj , Kreu I Departamentit të Rendit dhe Sigurisë në PD: “Asnjë informacion për procesin, për tenderimin. Kriteret teknike u përcaktuan sipas profilit të fituesit të paracaktuar.Vetëm Saimir Tahiri e veglat e tij e dinë se kush është personi i kontraktuar. Një aferë e pastër korruptive, ku 1.1 miliardë lekë doroviten duke i ndarë me klientin e ministrit.”
Sipas opozitës procedura për tënderin e uniformave duhet të niste pas kërkesës së Drejtorisë së Policisë, ndërkohë që demokratët thonë se nuk ka asnjë të dhënë se cili është dizenjuesi dhe si u bë vlerësimi i uniformave.
Tv Klan
