Dega e Partisë Demokratike në Shijak i është drejtuar me një letër sot KZAZ-së dhe kryetarit të Bashkisë ku kërkon zbatimin e dekretit të Presidentit të Repubikës, Ilir Meta, për anullimin e zgjedhjeve vendore të 30 qershorit.
Në letër i bëhet thirrje KZAZ-së të ndalojë menjëherë procesin zgjedhor.
“Ndalni procesin zgjedhor, zbatoni dekretin e Presidentit për anulimin e zgjedhjeve me 30 qershor” thuhet aty mes tjerash.
Kërkesa për zbatimin e dekretit të kreut të shtetit është bërë nga bashkitë e opoiztës. Në përpjekje për të liruar ambjentet e KZAZ-ëve pati dhe përplasje me forcat e policisë. Në bashkinë e Kuksit pas disa orësh protestë policia ra dakort që ti zhvendoste vetë materialet zgjedhore ndërsa në Burrel, Tropojë dhe Shkodër protestuestit arritën të canin kordonin e policisë për të hyrë në KZAZ. /Opinion.al
