Deputeti i PS, Alfred Peza është vënë në qendër të vemendjes pasi u zbulua një dokument që tregonte se ai ishte aksioner në bankë me mbi 1 miliardë lekë.
PD i kërkon institucioneve të bëjnë transparencë dhe të zbulojnë se si fitoi Peza miliona lekë në media.
Zëdhënësja e PD, Ina Zhupa në një deklaratë për mediat u shpreh se “Peza, në përpjekjen për të justifikuar pasurinë duket se ka kryer një mashtrim tjetër. Peza tha se është paguar deri në 10 mijë euro në muaj në media, dhe ka qënë i adhuruar për këtë. Por ky dokument që ka dalë në media, tregon se ai është paguar me 800 mijë lekë të vjetra në muaj”.
Sipas PD-së, publiku ka të drejtën të dijë:A është paguar 10 mijë euro në muaj deputeti i Ramës, apo 800 mijë lekë të vjetra në muaj?
Kështu do ta bëjnë ata dhe vetingun e gjykatësve dhe prokurorëve, sic kanë vepruar me deputetin socialist?- tha Zhupa.
*Dokumenti që shoqëron shkrimin është dorëzuar në gjykatë nga Alfred Peza në 2010, kur punonte drejtor tek OraNews. Në atë kohë ai ka qenë në proces me ish-bashkëshorten e cila kërkonte pension ushqimor për djalin e Pezës nga martesa e parë.
