Pak orë përpara protestës në Tiranë Partia Demokratike ka publikuar një deklaratë lidhur më të ndaluarit që kanë dëmtuar KZAZ-të në qytete të ndryshme të Shqipëri. 31-Sipas PD-së ish-deputeti i saj Bardh Spahia dhe dhjetëra qytetarë po mbahen të arrestuar pa asnjë provë. Partia Demokratike kërkon nga autoritetet që të lirohen të gjithë përfaqësuesit e opozitës.
Deklarata e Partisë Demokratike:
Bardh Spahia dhe dhjetëra qytetarë në mbarë vendin janë të burgosur politik të regjimit autokratik kriminal të Edi Ramës, që përndjek kundërshtarët politikë dhe dhunon qytetarët.
Përfaqësuesi i Partisë Demokratike për Qarkun e Shkodrës, Bardh Spahia, prej gati 48 orësh, mbahet i burgosur, pa asnjë fakt që ta implikojë atë në shkelje të ligjit.
Paralajmërojmë prokurorinë të zbatojë ligjin dhe të urdhërojë lirimin e menjëhershëm të përfaqësuesit të opozitës. Ky është një rast që prokuroria të mos i nënshtrohet urdhrit politik të Edi Ramës. Çdo prokuror apo gjyqtar që, në vend të ligjit, bëhet vegël qorre e regjimit në ikje të Edi Ramës, do të mbajë përgjegjësi personale për shkeljen e ligjit.
