Male të mëdha me plehra gjenden kudo në Shqipëri. Më shumë se 80 përqind e mbetjeve shqiptare nuk riciklohen. Partia Demokratike tregoi nga afër një sasi të madhe prej këtyre mbetjeve që kanë pushtuar një zonë fare pranë atraksionit turistik të Gjirit të Lalzit.
Sekretari për Aksionin Qytetar, Ervin Salianji, ishte në terren, ku u shpreh: “Po sjellim sot vetëm një dëshmi se si malet me plehra kanë mbuluar Shqipërinë, se si plehrat që kryeministri i quan mall, që duhet ti marrë nga jashtë për shkak se nuk ka Shqipëria, për të mbajtur industrinë riciklues, ndodhen në çdo pjesë të vendit. Këtu jemi në Bizë, vetëm 500 metra larg resortit turistik që do të ndërtohej nga Fati Mitri i cili do të hapte 1200 vende të reja pune. Jemi vetëm 1 kilometër në vijë ajrore nga avioni i Guido Guidit i cili kishte ardhur për të transportuar drogë”.
Partia Demokratike ka vendosur ti bashkohet protestes qytetare të së shtunës kundër importit të mbetjeve. Gjithashtu ka depozituar kërkesën për referendum.
