Kryesore

PD-Ramës: Anulo koncesionet dhe PPP, lëri fjalët boshe në “facebook”


Bëhu pjesë e Grupit Zyrtar të Opinion.al
>> KËTU <<
               Publikuar në : 19:11 - 02/04/20 |
Opi Nion

Sekretari i Përgjithshëm i Partisë Demokratike, Gazment Bardhi ka reaguan në lidhje me situatën e krijuar nga koronavirusi.

Përmes një postimi në rrjetet sociale, Bardhi shprehet se kryeministri Edi Rama u kërkon saktificë vetëm qytetarëve të zakonshëm.

Ai thekson se në vend që të sulmojë opozitën, Rama duhet të anulojë PPP dhe paratë t’i përdorë për të ndihmuar qytetarët.

Reagimi

Edi Rama u kërkon saktificë vetëm qytetarëve të zakonshëm. Qytetarët nuk mund të mbajnë më gjatë barrën e taksës së korrupsionit që qeveritarët kanë futur në xhep. Taksa e korrupsionit i ka marrë peng dhe i detyron të mos anullojnë koncesionet dhe PPP.

Në vend që të sulmojë opozitën që po qendron në krah të qytetarëve në nevojë:

  1. Edi Rama duhet të “sakrifikojë” 120 milion euro që ka parashikuar të japë për 12 koncesione dhe jo bukën e mijëra familjeve shqiptare.
  2. Edi Rama duhet të “sakrifikojë” 40 milion euro që ka parashikuar për shpenzimet operative të Qeverisë dhe jo të lërë fëmijë pa bukë.
  3. Edi Rama duhet të “sakrifikojë” 100 milion euro tendera luksi e të panevojshme dhe jo të fusë në borxh shqiptarët me njëri tjetrin.

Përgjegjësia e Qeverisë është që barrën e pamundësisë së mijëra qytetarëve të mos ua kalojë mijëra qytetarëve të tjerë, që janë po në kushtet e mbijetesës.

Barra duhet t’u kalojë qeveritarëve të korruptuar dhe oligarkëve që hanë milionat e shqiptarëve! Anullo koncesionet dhe PPP! Lëri fjalët boshe në facebook!/ Opinion.al

Pas