Ditën e sotme Partia Demokratike ka denoncuar dhënien me koncension të kalatës së Portit të Durrësit, sipas së cilës është një tjetër aferë korruptive e qeverisë “Rama”.
Ish-deputetja Jorida Tabaku thotë se kompania e shpallur fituese operon në Maltë dhe njihet ndërkombëtarisht për operacione të dyshimtë nga skandali i “Panama Papers”.
“Kush janë pronarët e vërtetë të kësaj kompanie? Çfarë dhe kush fshihet pas kompanisë malteze që do të marrë në dorëzim një pjesë të Portit të Durrësit? Pse Edi Rama po dorëzon një nga pikat e sigurisë kombëtare tek një kompani me pronarë të paidentifikuar? Kompania e shpallur fituese për koncesionin 30 milionë euro quhet “Hili Company Limited” . Ajo operon në Maltë dhe njihet ndërkombëtarisht për operacione të dyshimtë nga skandali i “Panama Papers”. Administratori i kompanisë është hetuar në Maltë për pastrimin e parave dhe për mekanizma të ngjashëm. Prandaj, Edi Rama duhet të dalë sot para shqiptarëve dhe të thotë çfarë e detyroi të japë pasurinë e vendit, kalatën e Portit të Durrësit, tek një kompani fantazëm”.-tha Tabaku./ Opinion.al
