Partia Demokratike përmes Lindita Metaliaj tregoi se në Lezhë, shkollat e dëmtuara nga tërmeti nuk janë rndërtuar. Këto shkolla nuk do të hapen më 14 shtator.
“Kjo tregon edhe njëherë që Edi Rama mashtroi, gënjeu shqiptarët dhe lezhjanët kur premtoi se të gjitha shkollat që janë dëmtuar nga tërmeti I 26 nëntorit do të rihapen me fillimin e vitit të ri shkollor.
Kjo tregon dështimin dhe paaftësinë e qeverisë së Ramës dhe papërgjegjshmërinë e tij personale, për sa kohë që prioritet I kësaj qeverie nuk janë fëmijët tanë, nuk janë fëmijët lezhjanë, nuk është arsimi, sepse ata dhe banda e tij qeverisës në pushtet, fëmijët e tyre i dërgojnë në shkolla private brenda dhe jashtë vendit. Për ta konkretizuar këtë, unë sot ndodhem pranë shkollës 9-vjeçare “Gjergj Kastrioti”, shkollë kjo e cila ka pësuar dëmtime të rënda nga tërmeti i 26 nëntorit, por që siç e shihni dhe ju vetë, është miratuar për shembje por shkolla është akoma në këmbë. Jo vetëm që nuk është shembur, por nuk është marrë asnjë masë për të zgjidhur problemin”, tha Metalia.
Metaliaj shprehet se shkolla 9-vjeçare “Gjergj Kastrioti”, e dëmtuar nga tërmeti i 26 nëntorit, “nuk është shembur, por nuk është marrë asnjë masë për të zgjidhur problemin”.
Si pasojë 1400 nxënëse në Lezhë do të bëjnë mësim në një shkollë të vetme, me 26 klasa.
Përveç shkollës “Gjergj Kastriot”, të njëjtin problem ka edhe shkolla e Shënkollit, shkolla e mesme “Llesh Nik Daka”, dhe konvikti i shkollës së mesme “Kolin Gjoka”.
Sipas PD, “zgjidhja e vetme është largimi “një orë e më parë i Edi Ramës”./Opinion.al
