Politikë

PD: Qeveria gënjen, rezervat e shtetit kanë zero ushqim


               Publikuar në : 12:08 - 31/03/20 |
Al Do

Partia Demokratike ka akuzuar sot qeverinë se ka nisur me vonesë shpërndarjen e ndihmave ushqimore dhe e ka bërë atë në mënyrë selektive.

Ish-deputeti Enkeled Alibej ka deklaruar sot se qeveria gënjen kur thotë se ka 3 muaj furnizim me ushqime me shqiptarët. Sipas tij rezervat e shtetit janë bosh.

Alibeaj deklaroi se kryeministri Rama dhe ministrja e Mbrojtjes, Xhacka sapo kanë dhënë një tender 1.5 milion euro ndërkohë që i kërkon atyre se përse u vonua me një muaj tenderi për blerjen e ushqimeve.

Deklaratë Partia Demokratike, Enkelejd Alibeaj

Të dashur shqiptarë, nga data 12 Mars 2020, Partia Demokratike i ka bërë thirrje Qeverisë që të sigurojë ushqime dhe ndihma për familjet në nevojë dhe pensionistët e vetmuar në këtë situatë të rënduar.

Ministria e Mbrojtjes drejton Rezervat e Shtetit dhe vetëm pas presionit të Opozitës dhe qytetarëve, 10 ditë pas fillimit të krizës, filloi shpërndarjen e ndihmave, në mënyrë selektive, si të ishit njëri i nënës, tjetri i njerkës.

Qeveria bën propagandë me Rezervat e Shtetit se ka furnizim për 3 muaj me ushqime. Gënjen!

Të dashur shqiptarë, rezervat e shtetit kanë zero ushqim për ju!

Nuk e kanë mendjen te ju!

Nuk u duhet fare, nëse frigoriferin e keni plot apo bosh, nëse keni ilaçe, nëse ju ngelin lekë për të paguar dritat apo ujin, jo! E kane mendjen si të vjedhin, si të ndajnë paratë tuaja me miqtë dhe oligarkët.

Ju jeni pa bukë, Edi Rama dhe Olta Xhaçka sapo dhanë nje tender 1,5 milion euro.

Alo Edi, Alo Xhaçka, Dilni jepni shpjegime pse u vonua 1 muaj tenderi për blerjen e ushqimeve! Si u përzgjodh kompania fituese e tenderit, me apo pa garë? Kush e fitoi tenderin?

Në pritje të përgjigjeve nga Alo Qeveria! /Opinion.al

Pas