Kryesore

PD publikon fotot: Jorgo Toto dhe Agim Kajmaku i njëjti person


Bëhu pjesë e Grupit Zyrtar të Opinion.al
>> KËTU <<
               Publikuar në : 11:46 - 29/08/19 |
Al Do

Partia Demokratike ka vijuar ditën e sotme të publikojë prova të cilat vërtetojnë se Agim Kajmaku dhe Jorgo Toto, personi i dënuar në Greqi, janë i njëjti person.

Në një deklaratë për mediat ish-deputeti Gent Strazimri ka treguar fotot e dy dokumenteve të identifikimit të Jorgo Totos dhe Agim Kajmakut ku duket se është i njëjti person.

Ky dokument, i marrë nga sistemi TIMS (dokumenti 1) është me foton e Jorgo Totos në pasaportën me nr. Z 0148497, me të cilën dhe është arrestuar.

 

Dokumenti i dytë është po ashtu i nxjerrë nga sistemi TIMS tregon pasaportën me emrin Agim Kajmaku, por me të njëjtën foto si edhe Jorgo Toto në pasaportën me të cilën është arrestuar.

Krahasimi i dy fotove që janë të të njëjtit person, vërteton se personi i kërkuar nën emrin Jorgo Toto, në fakt është Agim Kajmaku.” Është shprehur Strazimiri.

Ai ka theksuar se Kajmaku duhet të kishte dhënë menjëherë dorëheqjen dhe duhet të ishte proceduar penalisht nga prokuroria pas publikimit të fakteve nga ana e Partisë Demokratike. Strazimiri ka akuzuar edhe njëherë kryeministrin Edi Rama se është ai që po e mbron Kajmakun.

Edi Rama e mbron sepse siç provuam dhe një ditë më parë, me Kajmakun dhe kajmakët e tjerë ai ndan paratë publike të grabitura shqiptarëve me tendera me miliona euro” deklaroi ndër të tjera Strazimiri. /Opinion.al

Pas