Pas publikimit të një e-mail zyrtar që konfirmonte rënien e zjarrit në zyrën e prokurimeve, ka reaguar ministria e Shëndetësisë. Përmes një njoftimi për mediat, ministria mohon përsëri s në këtë institucion ka rënë zjarr dhe se janë djegur dokumente.
Po ashtu, ministria e Shëndetësisë e ka cilësuar qesharake akuzën e PD. Sipas ministrisë, email i publikuar nga selia blu; “dërgohet rëndom nëpër institucione për t’u tërhequr vëmendjen punonjësve, , PD ka demonstruar edhe një herë se protokollet e sigurisë dhe masat disiplinore në MSHMS, funksionojnë më së miri.”
Ministria e Shëndetësisë deklaron se për kë çështje është e hapur për çdo hetim nga organet e drejtësisë.
LEXO EDHE:“Në Ministrinë e Shëndetësisë janë djegur dokumente”, PD publikon provat
Reagimi i MSH:
Në përgjigje të akuzave të Partisë Demokratike, Ministria e Shëndetësisë dhe Mbrojtjes Sociale sqaron se nuk ka rënë zjarr në institucion. “Zbulimi” i bërë sot nga PD i referohet një emaili “tërheqje vëmendje” të para 26 ditëve, nga përgjegjësja për sigurinë në ministri, e cila i është drejtuar stafit pas një incidenti të shkaktuar nga një punonjëse, ndaj të cilës më pas është marrë masë administrative. Ministria e Shëndetësisë dhe Mbrojtjes Sociale hedh poshtë aludimet dhe shpifjet e PD, që kërkon të manipulojë opinionin me histori djegie letrash në korridore, kur e di i madh e i vogël se çdo dokument zyrtar ruhet në Protokollin e Ministrisë dhe të çdo institucioni. Duke bërë publik këtë email, i cili dërgohet rëndom nëpër institucione për t’u tërhequr vëmendjen punonjësve, PD ka demonstruar edhe një herë se protokollet e sigurisë dhe masat disiplinore në MSHMS, funksionojnë më së miri. Sikundër e kemi deklaruar që në krye të herës, Ministria e Shëndetësisë është e hapur për çdo hetim nga organet e drejtësisë. Njëkohësisht, i bëjmë në mënyrë të përsëritur thirrje PD që të ndalë fushatën e shpifjeve dhe të presë me durim fjalën e drejtësisë!/ Opinion.al
