Për kryetarin e Bashkisë së Tiranës Erion Veliaj protesta e 6 dhjetorit e PD, në ditën që zhvillohet samiti i BE me Ballkanin Perëndimor është një turp.
Nëpërmjet një postimi në rrjetet sociale, Veliaj thotë se me protestën e 6 dhjetorit opozita tregon që punon për Rusinë. Sipas Veliajt, kjo protestë është gjithashtu edhe tradhti ndaj demokratëve.
“Nëse dikush kish dyshime se kush bën punën e rusëve në Shqipëri, ja ku e ka provën: proteste alla-Berisha kur Europa mblidhet në Tiranë! Sa turp! Çfare mjerimi! E çfarë diskreditimi epik e tradhëtie ndaj demokratëve e ndaj sloganit “E duam Shqipërinë si gjithë Europa”, thotë Veliaj.
