“Ngjarja në Shëngjergj të Tiranës nuki ishte vetëvrasje por vrasje”. Kështu u shpreh sot PD, duke akuzuar Policinë për fshehje të krimit. “U fsheh vrasja e 3 ditëve më parë në Shëngjergj. Një ekzekutim mafioz për hesapet e drogës, i 8-ti në muajt e fundit. Po kur ekzekutimet ndodhin për parcelat me Kanabis, ato nuk raportohen ose paraqiten si vetvrasje. Edi Rama dhe Saimir Tahiri janë armiqte e policise, tradhëtaret e burrave dhe grave në uniformë”- tha ai.
Bëhet fjalë për ngjarjen e ndodhur në fshatin Kollogjesh, Komuna Shëngjergj. Në një stan, është gjetur i vrarë me armë zjarri pistoletë, shtetasi me inicialet B. P., 36 vjeç, banues në Shkozë.
Policia theksoi atë ditë se në sallën operative, tek numri i emergjencave 112, ka ardhur një telefonate që njofton ngjarjen. “Mësohet se në afërsi të trupit të pajetë është gjetur dhe një armë zjarri”- tha policia, duke shtuar se po hetohej për vetëvrasje.
Policia drejton bandat e drogës në Vlorë
“Rama e Tahiri jo vetëm i bënë rezistencë prokurorisë për të mbrojtur deri në fund sasinë e madhe të drogës, por ia dolën të shpëtojnë kokat e këtij trafiku, duke nxjerrë në kërkim vetëm një agjent. Sipas të dhënave te sigurta ky rrjet i organizuar komadohej pikërisht nga drejtori i Policisë së Vlorës, Jaert Cela, përmes shefit të postës së Selenicës, Enkeleid Greku, kunatit të këtij të fundit që administron skafet në Vlorë, Dhimitraq Janku, dhe shefit të krimit të organizuar në Vlorë, Gjergj Kohila”- tha Alibeaj.
