Partia Demokratike ka hartuar një plan prej 5 pikash për dalje e vendit nga emergjenca, të cilin e ka bërë publik kryetari Basha përmes një publikimi edhe në rrjetet sociale.
Pika e parë e planit lidhet në fakt me kërkesën e vazhdueshme të opozitës për kryerjen e sa më shumë testimeve për identifikimin e personave të prekur. Sikurse shihet më tej, pjesë e këtij plani është edhe gjurmimi i kontakteve dhe testimi i personave në vijën e parë, mbështetja për shëndetëin dhe një sistem matës për efektivitetin e masave të marra.
Gjithashtu Partia Demokratike kërkon mbështetjen me fonde dhe lehtësira mënyrën e re të funksionimit të ekonomisë.
Plani i daljes nga emergjenca
-
Sa më shumë testime
Sa më shumë persona të testuar, aq më shpejt identifikohen të prekurit dhe ndalohet përhapja e COVID-19. Bllokimi i ekonomisë dhe popullsia në karantinë kanë kosto shumë më të lartë sesa testimi i qytetarëve.
-
Gjurmimi i burimit dhe i kontakteve
Duhet bërë gjurmim i plotë i burimit dhe i kontakteve të të prekurit. Testimi i mjekëve, policëve e personave në vijën e parë. Kjo kërkon burime njerëzore, trajnimin dhe përdorimin e kapaciteteve lokale shëndetësore.
-
Mbështetje për shëndetësinë
Të sigurojmë mjetet dhe pajisjet për personelin shëndetësor. Të garantojmë që kapacitetet tona shëndetësore të përballojnë fluksin e personave që kanë nevojë për trajtim.
4.Matjet dhe menaxhimi i situatës
Duhet një sistem i saktë i matjes së impaktit që kanë masat e marra.
Nëse ne e dimë çfarë impakti kanë ato – ulin, mbajnë konstant apo rrisin numrin e të infektuarve -atëherë do të kemi mundësi të reagojmë menjëherë në menaxhimin e situatës, duke i shtrënguar apo lehtësuar më shumë masat e marra.
5.Tranzicioni drejt hapjes së ekonomisë
Rifillimi kërkon përshtatjen me realitetin e ri. Qytetarët dhe bizneset do duhet të mësohen të funksionojnë në kushtet e distancës 1,5 m.
Sa më shpejt të adoptohet kjo mënyrë e re aq më shpejt mund të rifillojë ekonomia dhe të reduktohet karantina. Qeveria duhet të mbështesë me fonde dhe lehtësira mënyrën e re të funksionimit të ekonomisë.
Opozita vazhdimisht ka vënë theksin në rritjen e numrit të testimeve, ndërkohë që Kryeministri Rama, ka ofruar bashkëpunim dhe bashkim të grupit të ekspertëve të opozitës me qeverinë. Retorika politike nuk ka munguar nga te dy palët./Opinion.al
